ရခိုင်ပြည်နယ်၏ မြို့တော်ဖြစ်သည်။ ကုလားတန်မြစ်ဝ အနောက်ဘက်ကမ်းတွင် ရှိသည်။ မြို့နယ်ဧရိယာ ၈၉ စတုရန်းမိုင်ရှိသည်။ မြို့နယ်အနောက်ဘက်တွင် မယူမြစ်ဝရှိသည်။ မြို့နယ်လူ ဥိ်းရေ နှစ်သိန်းကျော်၊ မြို့လူဦးရေ တစ်သိန်းရှစ်သောင်းခန့် ရှိသည်။ အဓိကလုပ်ငန်းမှာ ဆန်စပါး၊ ငါးနှင့် ရခိုင်လုံချည်တို့ဖြစ်သည်။ ဆိပ်ခံကောင်းရှိသည်။ ရန်ကုန်မြို့နှင့် နေ့စဉ် လေကြောင်းအဆက်အသွယ်ရှိ သည်။ စစ်ကြီး မဖြစ်မှီက စစ်တွေ ဆိပ်ကမ်းမှ နှစ်စဉ်ဆန်တန်ချိန် တစ်သိန်းကျော်အထိ တင်ပို့နိုင်ခဲ့သဖြင့် ဆန်မြို့ဟု လူသိများခဲ့သည်။ ၁၈၂၆ ခုနှစ်တွင် အင်္ဂလိပ်တို့က တည်ထောင်ခဲ့သည်။ မြောက်ဦးမြို့ အနေ အထားမကောင်း၍ဖြစ်သည်။ စစ်တဲကြီးတစ်ခုရှိခဲ့၍ စစ်တွေဟု အမည်တွင်သည်။ မြို့အနောက်တွင် အာကျပ်ေုစတီနှင့် ရွာကို အစွဲပြု၍ အင်္ဂလိပ်တို့က အာကျပ်(Akyab) ဟုခေါ်ကြသည်။ ကန်တော်ကြီး၊ မင်းကြီးကျောက်တန်း၊ ဘုရားကြီး၊ သလုံးတော်ဓာတ်တို့မှာ ထင်ရှားကြသည်။ ပွိုင့်ရှုခင်းသာ အပန်းဖြေ ကမ်းခြေရှိ၏။
0 comments:
Post a Comment